Uyon kaayo sa relasyon

Wa pay ulohan ang pelikulang gihimo nila ni Dingdong Dantes ug Karylle nga matud pa, follow up sa ilang unang pelikulang "Bahay Ni Lola" apan nakahimo na sila og pipila nga mga pilot shots, ug mga location hunting ug sa dili madugay, sugdan na gyod sa paggaling, nga matud pa ni Mother Lily, maoy sunod sa launching movie nilang Rainier Castillo ug Yasmien Kurdi, sa dili pa niya himoon ang launching movie usab nila ni Mike Tan ug LJ Reyes.

Sa bag-ong pelikula nila ni Dingdong Dantes ug Karylle, apil si Zsa Zsa Padilla busa, may nangutana pa gyod kono kang Zsa Zsa Padilla, kon nganong miapil pa siya sa maong pelikula nga gibalita man nga wa siya makagusto kang Dingdong.

Gani, hasta pa pod kono si Dolphy, nagpahimangno kang Zsa Zsa nga tambagan si Karylle bahin sa relasyon nila ni Karylle ug Dingdong. Mipahiyom lang si Zsa Zsa ug miingon "kay tagal na nang issue na 'yan.

Pati ba naman si Dolphy dinamay na? Boto kami sa relasyon nila ni Karylle at Dingdong. Kaya lang, ang sabi ko. Kung lolokohin ni Dingdong ang anak ko, mananagot siya sa akin. Uupakan ko talaga siya."