Semis pakay ng Gin Kings at FiberXers

MANILA, Philippines — Muling pipilitin ng Ba­rangay Ginebra na ma­ka­pasok sa semifinals ka­gaya ng hangad ng Converge sa Game Four ng ka­ni-kanilang quarterfinals series sa Season 50 PBA Governors’ Cup.

Lalabanan ng Gin Kings ang sister team San Miguel Beermen ngayong alas-5:15 ng hapon, habang ha­harapin ng FiberXers ang Rain or Shine Elasto Painters sa alas-7:30 ng ga­bi sa Smart Araneta Co­liseum.

Kinuha ng Ginebra ang Game One, 104-95, at Game Two, 126-99, ba­go nakahirit ang SMB sa Game Three, 101-98, para makadikit sa kanilang best-of-five showdown.

“We missed layups, we missed a bunch of free throws, calls didn’t seem to go our way,” ani Gin Kings coach Tim Cone. “I mean, there was a lot of reasons for us to just quit and let the game go and just look for­ward to Game 4.”

Kumpiyansa si Beermen sniper Marcio Lassi­ter na makakatabla sila sa ser­ye para makapuwersa ng Game Five.

“We are really just ta­king it one game at a time. From that, it’s micro pers­pective,” sabi ng PBA all-time three-point leader.

Ang mananalo ang sa­sagupa sa nagdedepesang TNT Tropang 5G sa best-of-five semis series.

Tangan ang 2-1 lead laban sa Rain or Shine, ha­ngad din ng Converge na makasampa sa kanilang kauna-unahang semis stint.