MRT-3, may libreng sakay sa mga kabataan sa Nobyembre 4

MANILA, Philippines — Magandang balita dahil pagkakalooban ng Department of Transportation-Metro Rail Transit Line 3 (DOTr-MRT-3) ng libreng sakay ang mga kabataan sa Nobyembre 4, araw ng Miyerkules.

Sa abiso ng MRT-3, nabatid na ang free ride ay ipagkakaloob para sa mga kabataang 17-taong gulang pababa, bilang bahagi ng pakikiisa nila sa pagdiriwang ng National Children’s Month sa susunod na buwan.

Ayon sa DOTr, ang libreng sakay ay maaaring i-avail mula alas-7:00 ng umaga hanggang alas-9:00 ng umaga at alas-5:00 ng hapon hanggang alas-7:00 ng gabi.

Ang MRT-3 ay ­bumabagtas sa kahabaan ng EDSA, mula Taft Avenue, Pasay City hanggang North Avenue, ­Quezon City.