Roadworks, fun runs, motorcade suspendido para sa ASEAN Summit

MANILA, Philippines — Bilang paghahanda sa nalalapit na ika-49 ASEAN Summit na gaganapin sa Pilipinas, sinuspinde muna ng Metropolitan Manila Development Authority (MMDA) ang lahat ng roadworks, fun runs, motorcade at iba pang pampublikong aktibidad sa bansa. 

Ayon kay MMDA Traffic Enforcement Group Director Victor Nunez, tigil muna ang roadworks at excavation simula Nobyembre 1 hanggang hatinggabi ng Disyembre 23.

Nakiusap na ang MMDA sa Department of Public Works and Highways (DPWH) at utility companies na tapusin na ang mga trabaho bago matapos ang Oktubre.

Samantala, bawal muna ang mga fun run, motorcade, prusisyon, at iba pang public events sa mga ASEAN roads simula Okt. 24 hanggang Nob. 20, matapos humiling ang National Organizing Council ng ASEAN.

 “Sumulat kasi sa’min ang National Organizing Council ng ASEAN na ipagbawal muna ‘yung conduct ng mga fun runs, motorcades, processions, and other public-related events within the identified ASEAN roads,” ani Nunez.

Apektado naman ang mga lungsod ng Maynila, Pasay, Parañaque, Makati at Taguig sa mga ipagbabawal na fun run at iba pang aktibidad.

Ayon sa MMDA, maglalabas pa ng karagdagang advisory habang papalapit ang summit.