Raptors mikompirma sa pagbalik ni Leonard
CEBU, Philippines — Hingpit na ang pagbalik ni Kawhi Leonard sa Toronto Raptors.
Ang general manager sa Raptors nga si Bobby Webster mikompirma niini kagapong adlawa.
"We're thrilled to welcome Kawhi back to Toronto. His impact on our organization, our city, and our country is undeniable, and he embodies the competitiveness and championship mindset that we value," matud pa ni Webster.
"We believe his leadership, experience and talent will help us as we continue building toward our next championship," dugang pa ni Webster.
Si Leonard nakuha og balik sa Raptors gikan sa Los Angeles Clippers pinaagi sa usa ka trade nga nalangan tungod sa usa ka dakong kalapasan sa NBA salary cap nga nahimo sa Clippers diin si Leonard may kalambigitan.
Kay nasulbad na ang tanan, wala nay babag sa giatngan nga pagbalik si Leonard sa Raptors, nga iyang gitabangan pagsakmit sa una ug bugtong nilang korona sa NBA niadtong 2019.
Ang 35-anyos nga si Leonard mi-average og 27.9 puntos, 6.4 rebounds, ug 3.6 assists sud sa 65 ka duwa uban sa Clippers sa miaging season.
Sa kinatibuk-an sa 14 ka tuig niyang karera sa NBA, si Leonard mipatak og 20.7 puntos, 6.4 rebounds, ug 3.1 assists matag duwa.
- Latest
