Palasyo: Marcos, hindi ‘inilaglag’ si Romualdez
MANILA, Philippines — “Walang nilalaglag si Pangulong Ferdinand Marcos Jr. kaugnay sa flood control scandal.”
Ito ang nilinaw ni Palace Press Officer Claire Castro sa mga puna na “nilaglag” umano ng Pangulo kanyang pinsan na si dating House Speaker Ferdinand Martin Romualdez na naaresto dahil sa flood control scam.
Giit ni Castro, hindi niya gustong ang salitang nilaglag na ginagamit ng mga kritiko dahil ayon naman sa Office of the Ombudsman ang kaso at mayroon silang nakitang ebidensya.
“Walang dapat nilalaglag dito, kung ano lang iyong ebidensya na nandidiyan, iyon lang doon lang tayo bumase, dahil ang Pangulo po sa mga bagay na ganyan ay neutral, proseso, batas at walang dapat na gawa-gawang ebidensya,” ayon pa kay Castro.
Nilinaw pa ni Castro na marami pang nakabinbin na kaso base sa Ombdusman at ito ay patuloy na under investigation kaya hindii pa nasasampahan ng kaso at hintayin na lamang ito.
- Latest
