Pekeng produkto, t­arget lipulin ng PNP sa ‘Ber’ months!

SA pagpasok ng “Ber” months, t’yak magkakalat sa kalye o palengke at iba pang business establishments ang peke o unregulated na produkto na makakaapekto sa mga ­mamimiling Pinoy. Kaya’t iniutos ni PNP chief Gen. Jose Melencio “Tateng” Nartatez Jr. sa mga police commanders ang mahigpit na intelligence at enforcement efforts laban dito, lalo na sa online sellers na inireklamong kadalasan ay peke ang kanilang mga dineliber na produkto.

Sinabi ni Nartatez na makikipag-coordinate ang PNP sa Intellectual Property Office of the Philippines (IPOPHL) at Department of Trade and Industry upang masupil ang ganitong raket. “To those engaged in the illegal sale of counterfeit products, we will pursue you through lawful and intelligence-driven operations,” ani Nartatez, sabay panawagan sa consumers na i-report kaagad ang mga online sellers na sangkot sa naturang raket. Hehehe! Kelangan pa bang i-memorize ‘yan?

Hindi lang naman ang IPOPHL at DTI ang katulong ng PNP, upang habulin, kasuhan at ipakulong ang mga sangkot sa pagpalaganap ng pekeng produkto kundi maging ang iba pang ahensiya ng gobyerno. Ang aksiyon ni Nartatez ay alinsunod sa panawagan ng advocacy group na Malayang Konsyumer ng mahigpit at tuloy-tuloy na kampanya laban sa pekeng produkto, na nilalako sa e-commence platforms.

Ayon sa grupo, ang madalas na nilalako ay ang pekeng gamot, vitamins, health supplements, at beauty products, na may sangkap na toxic chemicals. Ang iba naman ay mga pekeng damit, footwear, laruan at pabango, na may tagong health risk. Purbiddang yawaahhhhh! Hindi naman pahuhuli ang mga substandard electronics products na maaring makapagsimula ng sunog, o electrocution, at peke ding household  adhesives, sealants, at building materials. Araguyyyyy! Hehehe! Ang sakit sa bangs nito!

“We will not allow online platforms to become a safe haven for counterfeiters. The PNP will strengthen intelligence gathering and enforcement operations against individuals and networks engaged in the sale and distribution of fake and unregulated products,” ang pagbabanta ni Nartatez “Counterfeit goods are not only an intellectual property concern. They are also health and safety matter in most cases that need immediate and aggressive law enforcement response,” aniya. Abangan!