Myth busted: Mga paniniwalang matagal nang mali (Last part)

• Ang mga kuko at buhok ay patuloy na tumutubo pagkatapos mamatay ang isang tao.

Hindi talaga sila patuloy na lumalaki. Pagkatapos ng kamatayan, natutuyo at kumukupas ang balat, kaya maaaring magmukhang mas mahaba ang buhok at kuko.

• Ang microwave ay ginagawang radioactive ang pagkain.

Hindi. Gumagamit ang microwave ng non-ionizing electromagnetic radiation para painitin ang pagkain at hindi nito ginagawang radioactive ang pagkain.

• Kapag nilagyan ng toothpaste ang paso, gagaling ito.

Hindi inirerekomenda. Maaari pa itong makairita sa napinsalang balat. Para sa minor burn, mas angkop ang pagpapalamig nito gamit ang dumadaloy na malamig-lamig na tubig.

• Mas maraming bitamina ang mas mabuti para sa katawan.

Hindi palagi. May ilang bitamina at mineral na maaaring makasama kapag sobra ang intake.

• Kapag malamig ang panahon, siguradong magkakasakit.

Hindi ang lamig mismo ang nagdudulot ng karamihan sa respiratory infections. Ang pangunahing sanhi ay mga virus.

• Kapag binunot ang buhok na puti, mas dadami ang uban.

Hindi. Ang isang nabunot na puting buhok ay hindi nagiging sanhi para maging puti ang ibang buhok.

• Kapag lumangoy pagkatapos kumain, siguradong pupulikatin.

Hindi ito awtomatikong nagdudulot ng pulikat. Maaaring hindi komportable ang paglangoy nang sobrang busog, pero walang matibay na ebidensiyang kailangang maghintay ng isang oras bago lumangoy.