Eala nagpanikad na sa US Open
CEBU, Philippines — Ang Pinay tennis star nga si Alex Eala nalandig na New York aron mopakita og aksiyon sa 2026 US Open nga gikatakda gikan sa Agosto 30 ngadto sa Septiembre 13.
Nanghinaut si Eala nga mohimo og impresyon sa katapusan niyang Grand Slam nga torneyo karong tuiga.
Sa kasamtangan, si Eala No. 20 sa WTA rankings apan gipaabot nga mokatkat siya sa ika-18 nga dapit human sa nagpadayon pa nga WTA1000 Cincinnati Open.
Segurado na si Eala nga mokulit og laing kasaysayan isip labing unang Pinay nga seeded player sa main draw sa US Open.
Una kining nahimo ni Eala sa Wimbledon, diin iyang nakuha ang No. 29 seed. Nakasud siya sa Round of 16 nga maoy labing taas nga naabot sa usa ka Pinoy player sa bisan unsang tennis major.
Sa US Open, gipaabot nga mas taas ang seeing sa 21-anyos nga si Eala. Gawas sa singles, si Eala mokumbati sab sa mixed doubles kauban si world No. 4 Felix Auger-Aliassime sa Canada.
Nindot kaayo ang dagan sa karera ni Eala, nga pito ka buok Top 10 players ang gipangpildi ning tuiga lamang.
- Latest
