P1.3 milyong droga nasamsam, 3 ‘tulak’ tiklo
MANILA, Philippines — Nasamsam ang tinatayang P1.3 milyong halaga ng shabu at kush sa tatlong lalaking tulak, sa isinagawang buy-bust operation ng mga tauhan ng Manila Police District (MPD) sa Sampaloc, Maynila, Sabado ng madaling-araw.
Ang hindi pinangalanang mga suspek ay dinakip ng mga operatiba ng Station Drug Enforcement Unit (SDEU) ng Sampaloc Police Station dakong alas-6:00 ng umaga sa kahabaan ng Dapitan Street, Barangay 515, Zone 51.
Sa masusing paghahalughog sa lugar, narekober ang siyam na heat-sealed plastic sachet ng 182 gramo ng hinihinalang shabu na nagkakahalaga ng P1,237,600.00, kasama ang dalawang vacuum-sealed na pakete na naglalaman ng 60 gramo ng hinihinalang Kush (hybrid marijuana) na nagkakahalaga ng P80,000.00.
Nakuha rin ng mga operatiba ang marked buy-bust money, boodle money, at iba pang drug paraphernalia.
- Latest
