Obrero sinaksak ni bayaw

CAVITE, Philippines — Patay matapos pagsasaksin ng bayaw nito ang isang Construction worker sa harap ng kinakasama nito na kapatid ng suspek, kamakalawa ng gabi sa Brgy. Molino 2 Bacoor City.

Base sa ulat, alas-9 ng gabi nang maganap ang insidente, magkasamang umuwi ang biktima at kinakasama nito sa kanilang bahay.

Nadatnan ng mga ito ang suspek (kapatid ng kinakasama ng biktima) at nagkaroon nang mainitang pagtatalo na nauwi sa pananaksak ng suspek sa biktima.

Patay ang biktima sa rami ng tinamong saksak na kinilala sa alyas “Ernesto,” 30-anyos, construction worker habang agad ding naaresto ang suspek sa follow-up ng pulisya na kinilalang si alyas “Alexander,” 46-anyos, ang kapatid ng kinakasama ng biktima. Kasalukuyan ng nakakulong ang suspek at nahaharap sa kasong Homicide.