Tinagsip sa NBA

LA Lakers gibaligya sa kantidad nga $12.5B

CEBU, Philippines — Ang Los Angeles Lakers, usa sa labing malampuson nga teams sa kasasayayan sa NBA, gibaligya ngadto ni kanhi CEO Bob Iger ug investor Joshua Kushner sa usa ka kasabotan nga gikatahong mibalor og $12.5 billion. Si Kushner igsoon ni Jared Kushner, bayaw ni US President Donald Trump.

Mao kini ang labing dako nga transaksiyon sa pagpalit sa prangkisa sa usa ka sports team didto sa Amerika. Nahitabo kini usa ka tuig pa lamang ang milabay sukad napalit sa bilyonaryong si Mark Walter ang Lakers sa rekord nga kantidad nga $10 billion. Ang Lakers nakadaog og 17 ka kampiyonato, ikaduha lamang sa Boston Celtics. Nahimo silang panimalay sa pipila ka mga bitoon sa liga sama nilang Kareem Abdul-Jabbar, Shaquille O'Neal ug anhing Kobe Bryant.

Westbrook miretiro human sa 18 ka seasons

Ang kanhi MVP nga si Russell Westbrook miretiro na human sa 18 ka seasons sa liga. Si Westbrook, usa ka nine-time NBA All-Star ug Olympic gold medalist, kaduha nahimong scoring champion.

Nakaduwa siya og 11 ka seasons uban sa Oklahoma City Thunder diin iyang nakauban sila si Kevin Durant ug James Harden. Nakampiyon sila si Western Conference niadtong 2021 apan gipildi sa Miami Heat sa NBA Finals.

Na-MVP si Westbrook uban sa Thunder niadtong 2017. Sa susamang tuig, gibuak niya ang rekord ni Oscar Robertson alang sa labing daghan nga triple-double sa usa ka season. Mi-average siya og 20.9 puntos, 6.9 rebounds ug 8.0 assists matag duwa sa iyang karera uban sa Thunder, Houston Rockets, Washington Wizards, LA Lakers, LA Clippers, Denver Nuggets, ug Sacramento Kings.