Kusinero at obrero, timbog sa ilegal na baril
MANILA, Philippines — Arestado ang isang cook at isang construction worker na kapwa naghasik ng tensyon sa magkahiwalay na insidente ng pagpapaputok ng baril at kaguluhan, sa Taguig City at Las Piñas City, noong Lunes at Martes.
Ang suspek na si alyas “Estelito,” 44, residente ng Barangay Western Bicutan, Taguig City, na nahaharap sa reklamong indiscriminate firing at illegal possession of firearm.
Alas-6:40 ng gabi ng Agosto 10, 2026 noong Lunes ng gabi nang arestuhin ang suspek sa Champaca Street, Sitio Niño, Barangay Western Bicutan, na naaktuhan ng nagpapatrulyang mga tauhan ng Taguig City Police Station na nagpapaputok kaya kinumpiska ang walang serial number na kalibre .38.
Nitong Agosto 11, alas-5:00 nang magulantang naman ang mga residente ng Barangay Pulang Lupa Uno, Las Piñas City dahil sa pagwawala ng isang alyas “Ace,” 29-anyos, construction worker, na residente ng Bacoor, Cavite.
Nagpapatrulya rin ang mga mga tauhan ng Daniel Fajardo Substation ng Las Piñas Police Station kaya napahupa naman ang pagwawala ng suspek at kinumpiska sa kanya ang isang “zip gun” o improvised firearm.
Nahaharap siya sa reklamong Alarms and Scandals at paglabag sa Republic Act 10591 (Comprehensive Firearms and Ammunition Regulation Act).
- Latest
