14-anyos nag-tripping lang paghulga sa eskuylahan

CEBU, Philippines — Nailhan na sa Danao City Police ang usa ka 14-anyos nga menor de edad nga giingong naghimo sa mga pagpanghulga pinaagi sa online batok sa mga eskwelahan sa Danao City ug gitugyan na kini ngadto sa City Social Welfare and Development Office (CSWDO)-Danao alang sa tukmang intervention.

Nadawat sa kapulisan ang report human nakadawat og threatening messages ang social media account sa usa ka eskuylahan niadtong Agosto 5, 2026.

Sa maong mga mensahe, gihulga ang mga estudyante ug gipasidan-an bahin sa posibleng pag-atake sulod sa usa ka eskwelahan. Human pormal nga nareport ang insidente sa kapulisan niadtong Agosto 9, gilusad dayon sa Danao City Police ang verification ug imbestigasyon sa unang mga oras sa Agosto 10.

Pinaagi sa social media investigation, validation sa impormasyon ug koordinasyon sa mga barangay officials, nakakuha ang mga imbestigador og leads ug natultolan ang menor de edad nga giingong naggamit sa maong account.

Gidala ang menor de edad sa Women and Children Protection Desk alang sa inquiry, uban sa iyang guardian ug usa ka paryente.

Atol sa inquiry, giangkon sa menor de edad nga siya ang naghimo sa mga post ug giingong gibuhat lamang kini isip “trip lang.”

Nangangkon siya nga naa siyay mga problema sa eskwelahan, pamilya ug bullying. Human sa inquiry, gitugyan ang menor de edad ngadto sa CSWDO-Danao alang sa assessment, intervention ug rehabilitation. Gidayeg ni Cebu Police Provincial Office Provincial Director PCOL Abubakar . (CEBU NEWS)