Bomb threat sa isang gusali sa Ayala Alabang ‘hoax’
MANILA, Philippines — Negatibo sa anumang uri ng pampasabog ang isang gusali sa Ayala Alabang na nakatanggap ng bomb threat mula sa email noong Lunes ng hapon.
Isinagawa ng mga tauhan ng Station Explosive Ordnance Division and Canine Unit ng Muntinlupa City Police Station, ang pagsusuri sa Park Trade Center sa Investment Drive, Barangay Ayala-Alabang dakong alas-3:35 ng hapon at alas-4:10 nang ideklarang ligtas ang kabuuan ng gusali.
Sa ulat, dakong alas-2:29 ng hapon ng Agosto 10, 2026, nang makatanggap ang administrator na email hinggil sa itinanim umanong bomba sa ika-apat na palapag.
Pinuri naman ni Southern Police District (SPD) Director PBGen. Glen Oliver Cinco ang mabilis na kilos ng Muntinlupa police kasabay nang mahigpit na babala sa mga nagpapakalat ng pananakot na hindi titigil ang kapulisan sa pagtugis sa kanila.
- Latest
