Panagway nga nausab

AGOSTO 6 gisaulog ang Piyesta sa Mahimayaong Pagkausab sa Panagway sa atong Ginoo. Nahitabo kini sa dihang nitungas sila sa usa ka bungtod kuyog sa kapid-an sa iyang mga tinun-an.

Sa maong kahimtang atong nakita ang duruha ka mga mga mahinungdanong figures sa Balaang Kasulatan.

Sila si Moises ug si Elias.

Nagapsabot kini nga ang nahitabong kahimayaan katumanan lamang sa Balaod (Moises) ug sa panagna sa mga propeta (Elias). Dugang pa, nahimong sentro sa kukabildo ning tulo (Jesus, Moises, ug Elias) ang taliabot nga kasakitan ni Jesus.

Si Pedro sa laing bahin buot mopalanat sa maong kasinatian pinaagi sa pagsugyot ngadto kang Jesus nga magtukod sila og tulo ka payag. Usa alang kang Moises, Jesus ug Elias. Ang maong tinguha gikan sa kasingkasing nga nahimong uhaw sa mga butang espirituhanon.

Apan metanoia kun conversion duol ra pud sa transfiguration.

Kini nagpasabot nga kun buot natong mausab ang systema sa kinatibuk-an kinahanglang usbon nato ang tagsa tagsa nato ka mga kaugalingon. Labaw na nga mamahimong idlas ang mahimayaong kausaban kun kita mismo maglisud sa paghangop sa kasakitan sa krus nga atong pagapas-anon kada adlaw.

Dugang pa, duha ka mga termino nga nalambigit dinhi. Ang Nawong ug Dagway.

Ang terrminong nawong gikan sa Griyegong pulong Prosopon nga nagpasabot og Maskara, kasagaran gamiton kini sa mga artista sa entablado niadtong unang panahon. Matag Artista mosul-ob og masakara segun sa gidala niya nga karakter.

Ang Dagway nagpadayag sa kinatibuk-ang bayhon sa tawo o pagkatawo. Kun maghisgot kita og metanoia nausab dili lang ang nawong kondili hasta na usab ang dagway.

Unsay imong gusto? Nindot nga nawong apan bati ka og dagway? O bati ka og nawong apan nindot ka ogpanagway?