Ambuklao at Binga dam umapaw, 8 gates binuksan
MANILA, Philippines — Umapaw na ang tubig sa Ambuklao at Binga dam sa Benguet dahil sa patuloy na pag-ulan na nararanasan doon sa nakalipas na 24 oras.
Bunga nito, tig-apat na gate na ang nakabukas sa Ambuklao at Binga dam para magpakawala ng sobrang tubig.
Sa tala ng PAGASA Dam Monitoring Department, alas-8 ng umaga kahapon ay binuksan ang apat na gate ng Ambuklao Dam ng may dalawang metro upang makapagpalabas ng 281.20 cubic meters per second (cms) ng tubig,
Kasabay ito ng pagbubukas din sa apat na gate kahapon ng umaga sa Binga Dam ng may 2 meters para mag-release ng 317.53 cms ng tubig.
Ayon pa sa PAGASA, ang Luzon at Visayas ay patuloy na makararanas ng pag-uulan sa susunod na 24 oras dahil sa epekto ng Habagat.
Partikular na maulan sa Occidental Mindoro, Zambales, at Bataan gayundin sa Metro Manila, Ilocos Region, Abra, Benguet, Tarlac, Pampanga, Bulacan, Rizal, Cavite, Laguna, Batangas, Oriental Mindoro, at Antique dulot ng Habagat.
Maulan din hanggang ngayong linggo sa Ilocos Norte, Pangasinan, Apayao, Kalinga, Mountain Province, Ifugao, Nueva Vizcaya, Tarlac, Nueva Ecija, Pampanga, Bulacan, Metro Manila, Rizal, Cavite, Batangas, Oriental Mindoro at Antique kasama na ang Ilocos Sur, La Union, Abra, Benguet, Zambales, Bataan, at Occidental Mindoro dahil sa Habagat.
- Latest
