Alas pinadapa ng Indonesia

CANDON CITY, Philippines — Na­lusaw ang pangarap ng Alas Pilipinas na masi­lo ang titulo sa Southeast Asian Volleyball Cup (SEA V Cup) men’s division ma­tapos nilang tumukod sa Indonesia, 20-25, 23-25, 25-27, kahapon dito sa Candon Arena, Ilocos Sur. 

Kahit nawalis ay nakitaan ang mga Pinoy spi­kers ng determinasyon at hindi sila basta nagpadaig sa 2025 SEA V. League second leg champion na hinawakan ang No. 1 seed sa Pool B na may 2-0 karta.

Umusad sa semifinals ang Indonesia kasama ang Cambodia, 1-1.

Dalawang beses na lumamang ang Alas Pilipinas sa first set, habang muntik naman silang manalo sa second frame nang tapya­san nila sa 23-24 ang bentahe ng Indonesia.

Mas naging maba­ngis ang mga Pinoy spikers sa third set dahil may tsansa sanang humaba ang ka­nilang hiniga nang hawa­kan ang six-point lead, 15-9, sa event na katuwang ang Candon City sa pa­mu­muno ni Mayor Eric Singson at suportado ng Philippine Sports Commission at ng Philippine Olympic Committee.

Pero naubusan ng lakas ang Alas Pilipinas kaya na­lasap nila ang pangalawang sunod na kabiguan at malagay sila sa battle for fifth place laban sa Myanmar.

Kumana si Joshua Magalaman ng 13 points.