Alapag andam na isip coach sa NLEX

CEBU, Philippines — Si Jimmy Alapag nagtoo nga andam na siya sa bag-o niyang tahas isip head coach sa usa ka PBA team human sa kapin tunga sa dekada niyang kasinatian isip kabahin sa usa ka coaching staff sa NBA.

Ang kanhi Sacramento Kings player development coach gibati og tumang kahinam nga motimon sa NLEX Road Warriors ubos sa MVP Group, diin siya miduwa sa tibuok nga bahin sa iyang karera sa PBA.

“Unang-una, I think it just felt like it was the right time,” matud pa ni Alapag. “You know, almost six years in the NBA, I've had an opportunity to see a lot, to learn a lot, and I know how much it's allowed me to grow, not just as a husband, as a father, but also as a coach.”

“And so to have an opportunity to come back home and be able to pour all of that knowledge and all that wisdom that I've gained in the NBA and to pour that back into Philippine basketball, it felt like now was the right time,” dugang pa niya.

Ang 48-anyos nga si Alapag unang gikuha sa Sacramento niadtong 2021 isip assistant coach sa Stockton Kings sa NBA G League. Human sa tulo ka tuig, na-promote siya isip player development coach sa Sacramento Kings sa NBA.

Dinhi niya nakatabaho si kanhi Kings coach Mike Brown nga bag-ohay pang migiya sa New York Knicks ngadto sa una nilang korona sa NBA sud sa 53 ka tuig.

“I learned a lot, for sure. I think when I was just the detail, the detail in everything that the staff and the players do,” paambit a sa 2011 PBA MVP.

Masukod ang katakos ni Alapag sa dihang ablihan sa Road Warriors ang ilang kampanya sa PBA Season 50 Governors’ Cup karong Hulyo 10 batok sa Macau Giant Pandas didto sa Antipolo.