Lasing na tandem patay sa salpok!

MANILA, Philippines — Kapwa binawian ng buhay ang isang rider at angkas nito nang bumangga sa gutter at tumilapon, sa San Mateo Road, Barangay Batasan Hills, Quezon City, madaling araw ng Linggo.

Sa inisyal na ulat, ang dalawang biktima na hindi pa matukoy ang pagkakakilanlan ay naisugod pa sa pagamutan subalit idineklara silang dead-on-arrival.

Sugatan naman ang dalawa pang lalaki na nakatayo lang sa gilid ng kalsada nang masalpok ng motorsiklo.

Hindi umano nakasuot ng helmet ang dalawang nasawi, na sinasabing mga nakainom ng alak.