Baldwin binanatan ng PSC

MANILA, Philippines — Binanatan ni Philippine Sports Commission (PSC) chairman Patrick “Pato” Gregorio si Ateneo de Manila University head coach Tab Baldwin na nananatiling tahimik sa isyu ng pagkamatay nina Blue Eagles players Rene Baterbonia at Divine Adili.

Iginiit ni Gregorio na kailangang ni Baldwin na ipaliwanag sa publiko kung ano nangyari sa team building ng Blue Eagles na ginanap sa Dipaculao.

Sinabi ni Gregorio na isa nang national concern ang nangyari kaya’t kailangan nitong magsalita para maliwanagan ang lahat.

“Where is Tab Baldwin? Why is he still not speaking up? This is beyond Ateneo. This is a national concern. Out of respect for the family and the Filipino people, he has to come forward,” ani Gregorio sa kanyang statement.

Nagulantang ang lahat nang pumutok ang balita kung saan nasawi sina Baterbonia at Adili sa kasagsagan ng team building ng Blue Eagles sa Aurora.

“He has been here for 10 years. I don’t understand why he can’t understand our culture--konting respeto at pakikipagkapwa naman,” ani Gregorio.

Dumalaw ang ilang players ng Ateneo Blue Eagles men’s basketball team sa burol ni Baterbonia sa Arlington Memorial Chapel sa Quezon City noong Miyerkules.

Kasama ring bumisita ang ilang opisyales ng Ateneo at mga miyembro ng coaching staff.

Kabilang dito si A?eneo’s representative to the UAAP Board of Managing Directors Em Fernandez at sina coaches Sandy Arespacochaga at Louie Alas. Hindi nila kasama si Baldwin sa pagbista.