PBBM ang sulbad

Gusto nga ulion ni Presidente Bongbong Marcos Jr. ang nagbangi nga duha ka grupo sa mga senador. Kini ang gipahibalo sa iyang tigpamaba nga si Atty. Claire Castro.

Nagkanayon si Castro nga mas maayong magkauli una ang mga senador sa dili pa niini ipatawag ang special session.

Si Presidente Marcos ang sulbad sa problema sa Senado kay siya ang nagmugna sa problema.

Siya ang nagtunga sa Senado ngadto sa Senado sa Republika sa Pilipinas ug Senado sa Malakanyang matud pa sa Presidente sa Senado nga si Alan Peter Cayetano.

Giingon ni Castro nga giila sa Malakanyang si Senador Sherwin Gachalian nga acting president sa Senado.

Busa unsa may mahitabo ini’g mag-abot na sa Senado si Cayetano ug Gachalian, ang Presidente ug acting presidente sa Senado?

Dili ba ang acting, acting lang ug dili g’yud kini presidente?

Unya maoy i-recognized ninyo? Mao ni ang problema nga sayon ra sulbaron sa Presidente.

Sayon ra gyod kaayo sa Presidente ang pagsulbad sa problema sa Senado.

Ilhon ug respitoon  ang mandato nga gihatag sa 13 ka Senador ngadto kang Alan Peter Cayetano isip presidente sa Senado.

Usa ra ka sulti ni PBBM ngadto sa iyang mga kaalyado nga mga senador moyango na dayon kini niya. Sulbad na dayon ang problema.