Nagkadaiyang mga matang sa Sakramentales

Pagpamalandong sa Malangkubong kaayohan

1. Konsagrasyon

Diin ang usa ka tawo, butang o dapit ang gigahin gyud alang sa katuyoang Diosnon o gigahin alang sa pangalagad ngadto sa Dios. Sama pananglit sa Rito sa konsagrasyon sa mga altar diha sa mga simbahan. O dili ba kaha ang pagkonsagrar sa usa ka batan-ong babaye ngadto sa kinabuhi sa pagkaulay alang sa Dios.

2. Panalangin

Diin pinaagi sa pag-ampo sa Simbahan ang usa ka tawo, butang o luna (Balay) ang giampo aron makabaton pinaagi sa pag-ampo sa Simbahan ang makabaton sa linaing mga panalangin nga gikinahanglan sa hingtungdan diha sa iyang panaw sa pagtuo ug sa kinabuhing balaan. Nga diha sa pagpanalangin sa mga kahimanan sa debosyon ang hingtungdan nga mogamit kanila ang mamahimong maandam ug matabangan diha sa ilang kinabuhi sa pag-ampo ug nga ilang mapalipang ang pagkamakidiosnon sa ilang kinabuhi.

3. Eksorsismo

Usa usab kini ka sacramental diin ang simbahan pinaagi sa gitahasang eksorsista ang mopalingkawas sa energumen o nayawaan gikan sa gahom sa yawa. Usa kini ka ritwal nga gigamit hangtud karon aron matabangan ang mga gihasol sa gahom sa kangitngit ma tawo man o luna o butang.

4. Sagradong mga Butang ug mga Dapit

Ang kapilya, minteryo ang pagaisipon man nga mga sagradong luna nga gibendisyonan aron makatabang sa katawhan diha sa pag-ampo ug busa kinahanglang hatagan og igong pagtahud. Sa laing bahin, ang mga singsing sa kasal, mga larawan, rosaryohan, mga kahimanan sa debosyon ang pagaisipong mga sagradong mga butang ug kahimanan nga makatabang sa naghupot kanila sa pag-ampo.

Sa laing bahin, ang pagtuo nagtudlo usab kanato nga ang mga sagradong mga butang ang makapanalipod kanato gikan sa gahom sa kangitngit.

Ang na exorcized ug nabendisyonan nga mga medalyon ni San Benito, Asin, tubig, lana sa olibo, krusipiho ingon man mga relikyas sa mga santos nga sama kanato mga tawo nga adunay dakong paghigugma sa Dios.

Ang mga sakramentales ang pagaisipon natong hinabang alang sa atong espirituhanong mga panginahanglan. Tukmang pagtahod. Ang ilang epekto ang naglambigit usab sa atong kinabuhi sa pagtuo nga motabang kanato sa pakigsuod sa Dios sa atong kinabuhi. — Padayonon