Most trusted, best performing government execs inilabas ng RPMD
MANILA, Philippines — Nanguna si Ombudsman Jesus Crispin “Boying” Remulla sa pinakabagong nationwide “Boses ng Bayan” Index of Governance (IOG) survey ng RPMD Foundation Inc. (RPMD). Ang IOG ay pinagsamang trust at performance ratings ng mga opisyal ng pamahalaan.
Nakakuha si Remulla ng 89.7% IOG mula sa 89.3% trust at 90.2% performance. Ayon sa mga respondent, mataas ang kanilang pagpapahalaga sa kanyang kampanya laban sa korapsyon at pagpapanagot sa mga lumalabag sa batas. Pinalakas pa ang mataas na marka ng Ombudsman ng Assistant Ombudsman Mico Clavano, na kinilalang top government communicator na may 86.9% IOG (86.5% trust, 87.3% performance).
Sumunod si NBI Director Melvin Matibag (88.1%) at TESDA Director General Kiko Benitez (86.5%). Top performers din sina BI Commissioner Joel Anthony Viado (85.0%), LTO Chief Markus Lacanilao (84.0%), BIR Commissioner Charlie Mendoza (82.2%), AFP Chief Gen. Romeo Brawner Jr. (82.0%), at PAO Chief Persida Acosta, 80%.
Nasa listahan din sina PNP Chief Gen. Jose Melencio Nartatez Jr. (78.8%), PDEA Director Isagani Nerez (77.0%), PAGASA Administrator Nathaniel Servando (75.0%), at Customs Commissioner Ariel Nepomuceno, 72.1%.
Nasa listahan din sina PhilHealth President Edwin Mercado (68.8%), BFP Chief Rico Tiu (66.9%), SSS President R.J. De Claro (65.0%), at OTS Administrator Gilberto Cruz (63.1%).
Ayon kay Dr. Paul Martinez, Executive Director ng RPMD, global affairs at political analyst, nangibabaw sa survey ang mga ahensiyang may kaugnayan sa pagpapatupad ng batas, accountability, at imbestigasyon, na nagpapakita ng lumalaking pagpapahalaga ng publiko sa integridad, transparency, at epektibong pamamahala.
- Latest
