Mga ilegal nga sigarilyo nakompiska sa kapolisan ug BIR
CEBU, Philippines — Gironda sa Bureau of Internal Revenue (BIR RR13) Cebu City uban sa Cebu City Police Office ug Mandaue City Police Office ang usa ka bodega sa sigarilyo nga nahimutang diha sa Barangay Guizo, Siyudad sa Mandaue kagahapon sa buntag. Gikataho nga ang mga otoridad nakadawat og impormasyon kabahin sa giingong ilegal nga mga sigarilyo diin gitago kini sa usa ka bodega diha sa nahisgutang lugar.
Ang kapolisan nipahigayon og pagpangronda sa maong bodega diin dala nila ang mission order nga giluwatan ni Antonio Ilagan, OIC Regional Director RR13 Cebu City.
Nasakmit sa kapolisan ang 200 ka dagkong karton sa sigarilyo nga walay mga stamps ug walay indikasyon nga nakabayad og buhis.
Niabot ngadto sa 172,825 ka paketeng sigarilyo sa nagkalalin-laing brand ang nakompikas sa kapolisan ug gidala kini sa buhatan sa BIR RR13.
Sa oras sa pagbalita wala pay nahatag ang mga otoridad sa kinatibuk-ang kantidad sa nakompiska nga ilegal nga mga sigarilyo. (BANAT NEWS)
- Latest
