^

Metro

31 timbog sa love, investment scam

Doris Franche-Borja - Pilipino Star Ngayon
31 timbog sa love, investment scam
In this photo illustration, the dating app Tinder is seen on the screen of an iPhone on August 14, 2018 in Miami, Florida.
Photo illustration by Joe Raedle / Getty Images

Sindikato nabuwag

MANILA, Philippines — Nasa 31 katao na umano’y nagpapatakbo ng romance at investment scam sa Bohol na nakakuha ng tinatayang $10 milyon o katumbas ng P639 milyon mula sa kanilang mga biktima gamit ang pekeng pagkakakilanlan sa internet.

Ayon sa Presidential Anti-Organized Crime Commission (PAOCC), isinagawa ang operasyon kasama ang National Bureau of Investigation (NBI) at Philippine Amusement and Gaming Corp. (PAGCOR) noong Nobyembre 10 at 11 sa apat na magkakaugnay na lugar sa Panglao at Dauis.

Nakumpiska sa operasyon ang daan-daang computer at cellphone, SIM card, Starlink equipment, mga dokumentong pinansyal at mga script na umano’y gina­gamit sa panloloko.

Batay sa imbestigasyon, bumubuo ang grupo ng pekeng romantikong relasyon upang makuha ang tiwala ng mga biktima bago hikayating mamuhunan sa cryptocurrency at iba pang investment scheme. Iniimbestigahan din ang posibleng ugnayan nito sa mga scam hub sa Cambodia.

Dinala ang 31 suspek sa inquest proceedings at inirekomenda ang pagsasampa ng kaso kaugnay ng paglabag sa Anti-Financial Account Scamming Act at Cybercrime Prevention Act.

Ayon kay PAOCC Executive Director Usec. Benjamin Acorda Jr., patuloy na tinutukoy ng mga imbestigador ang mga financier at orga­nizer ng grupo upang mapanagot ang lahat ng nasa likod ng operasyon.

TRENDING

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with