PLDT diniskaril ng Nxled
MANILA, Philippines — Diniskaril ng Nxled ang hangad na dalawang sunod na ratsada ng nagdedepensang PLDT matapos hatawin ang 25-19, 25-22, 25-20 panalo sa 2026 Premier Volleyball League (PVL) Invitational Conference kahapon sa Smart Araneta Coliseum.
Kumolekta si Fil-Am middle blocker MJ Phillips ng 13 points mula sa walong attacks, dalawang service aces at isang block para pamunuan ang Chameleons na nakakuha ng 12 at 10 markers kina Myla Pablo at Lyann De Guzman, ayon sa pagkakasunod.
Nagdagdag si Jonah Sabete-Escamillan ng siyam na puntos bukod sa 15 excellent receptions, habang may 15 excellent sets si setter Gel Cayuna.
Hindi pa rin naglalaro si Fil-Am star spiker Brooke Van Sickle na nagrerekober sa shoulder surgery.
“After yesterday’s game (Lunes) we put in a lot of work and we just wanted to show everyone how much work we put in throughout these a couple of weeks, and thankfully it showed out today,” ani Phillips.
Bumangon ang tropa ni Italian coach Ettore Guidetti mula sa 20-25, 23-25, 25-23, 20-25 kabiguan sa Creamline noong Lunes para sa kanilang 1-1 baraha.
Bigo ang High Speed Hitters, nakahugot kay Fil-Canadian Savi Davison ng 20 points, na mailista ang 2-0 kartada matapos ang 25-23, 25-15, 26-28, 25-14 pagbugbog sa guest team EST Cola ng Thailand.
Sa ikalawang laro, itinumba ng guest team EST Cola ng Thailand ang Farm Fresh, 25-21, 25-16, 25-22.
Pumalo si Papatchaya Phontham ng 17 points para sa 1-1 record ng Thai squad.
- Latest
