‘SiPons’ puntirya 2028 Olympic berth

MANILA, Philippines — Hahataw ang dalawang Alas Pilipinas Women’s beach volleyball teams sa 2026 AVC Beach Volleyball Continental Championship ngayon sa Shangluo, China.

Target ng tambalan nina Cherry Ann “Sisi” Rondina at Bernadeth Pons at dalawahan nina Khylem Harl Progella at Sofiah Shanine Pagara ang nag-iisang tiket para sa 2028 Olympic Games sa Los Angeles, USA.

Pagdating sa Shang­luo kahapon ay kaagad nag-ensayo ang dalawang pares ng national women’s beach volleyball squads.

Nagmula sina Progella at Pagara sa pagrereyna sa nakaraang 2026 Volleyball World Beach Pro Tour Futures sa Busan, South Korea kung saan nila sinapawan sina Rondina at Pons sa isang all-Filipina finals.

Sina Rondina at Pons ang tatayong No. 8 seeds sa AVC Beach Volleyball Continental Championship, habang No. 10 sina Progella at Pagara.

Hangad din nina No. 15 ranked James Buytrago at Ronniel Rosales ang nag-iisang Olympic berth laban sa 23 pang pares sa men’s division.

Lalaro rin ang mga Alas Women’s at Men’s beach volleyball teams sa 20th Asian Games.