Patatawarin pa ba o hindi na?

Dear Dr. Love,

Ako po si Roselyn, hanggang kailang ko po ba dapat patawarin ang mister ko? Ilang beses ko na siyang nahuling nambababae. Lagi na lang siyang nagdadahilan. Hindi ko na tuloy alam kung patatawarin ko pa siya. Sinabihan na ako ng parents ko na maghiwalay na lang kami. Pero nanghihinayang ako sa pinagsamahan namin at inaalala ko rin ang aming dalawang anak.

Noong una, pinatawad ko siya dahil kilala ko ang babae. Napakiusapan ko siya na iwasan na lang ang mister ko. Itong pangawala, ‘yung babae pa ang nang-aaway. Hindi raw ako marunong mag-alaga ng asawa kaya naghahanap ng iba.

Ang pangatlo, talagang sinugod ko sila sa bahay ng babae. Ewan ko, hindi naman gwapo ang mister ko pero nagugustuhan nila.

Iniisip ko na isa lang din yata ako sa nabola nig mister ko. Please lang po pagpayuhan po ninyo ako. Hindi ko kasi alam ang gagawin, kung patatawarin ko pa siya o hindi.

Roselyn

Dear Roselyn,

Naiintindihan ko na mahirap ang sitwasyon mo, at tama lang na mag-isip ka ng maigi bago magdesisyon. Kung naguguluhan ka kung patatawarin mo pa ang mister mo o hindi, subukan mong makipag-usap sa kanya nang maayos at bukas. Alamin kung ano ang kanyang pananaw at kung paano niya nakikita ang sitwasyon.

Magbigay ka rin ng pagkakataon sa sarili mo para ipahayag ang iyong nararamdaman. Pumili ka kung mahalaga pa sa iyo ang relasyon ninyo at kung may mga bagay pang maaaring ayusin. Tingnan mo kung may mga pagbabago ba siyang ginawa o handa siyang gawin para sa inyong relasyon.

Kung nahihirapan ka sa pagdedesisyon, baka makakatulong ang pagkonsulta sa isang marriage counselor o therapist para makuha ang iba pang pananaw at guidance.

Siguraduhin na ang desisyon na gagawin mo ay para sa iyong ikabubuti, gayundin sa  inyong mga anak.

DR. LOVE