Matapos matikman

Dear Dr. Love,

Hello and how are you? Kabilang ako sa marami mong tagahanga na ngayo’y may problema sa pag-ibig at gustong humingi ng payo sa iyo.

Tawagin mo na lang ako sa first name na Rica, 21-anyos at isang call center agent. Ang boyfriend ko ay kasama ko sa trabaho at pareho kami ng duty.

Nagkaroon na rin kami ng very intimate relations nang dalawang ulit pero parang ngayon ay nanlalamig na siya sa akin.

Hindi na siya sweet katulad ng dati. Naiinis ako dahil ‘yun lang pala ang gusto niya. Sex.

Hindi siya ang unang naka-sex ko at nalaman niyang hindi na ako virgin. Ito kaya ang dahilan kung bakit lumalayo siya?                      

Gumagalang,

Rica

Dear Rica,

Hindi ko alam pero malamang ‘yun na nga. Kahit moderno na ang panahon ngayon, marami pa ring lalaki ang naghahanap ng virginity sa babae.

Tingin ko masyado kang liberated at sana’y magsilbing aral sa iyo ang karanasan mo. Sana, ang mga kabaro mo ay hindi agad isinusuko ang pagkababae para sila’y galangin ng mga lalaki.

Dr. Love