Pinagtataksilan kaya niya ako?

Dear Dr. Love,

Nasa abroad pa ako ay nababasa ko na ang kolum mo sa pamamagitan ng in­ternet.

Tawagin mo na lang akong Tony, isang OFW na nagtatrabaho sa Dubai, 40-anyos   at may asawang naiwan sa Pilipinas. Wala kaming anak dahil mas madalas akong na­sa ibang bansa kaysa Pilipinas dahil ha­ngad ko’y magandang kinabukasan sa bu­buuin kong pamilya.

Sa kasalukuyan ay nasa Pilipinas ako. Big­­laan ang aking pag-uwi dahil sa masak­lap na balita mula sa aking mga kaanak na may ibang lalaki ang aking asawa.

Nang magkita kami ng aking asawa sa aming tahanan, kinompronta ko siya at ito’y pi­na­bulaanan niya. Siya pa ang nagalit sa akin dahil mas may tiwala raw ako sa aking mga magulang kaysa sa kanya.

Dahil dito ay naglayas siya at hindi ko alam kung nasaan siya ngayon. Wala siya sa kanyang mga magulang o kamag-anak sa probinsya. Hindi naman marahas ang pag­­tatanong  ko sa kanya dahil gusto kong ma­rinig ang kanyang panig. Pero siya ang uminit ang ulo at naglayas.

Ano ang gagawin ko? Paano ko mala­la­man ang katotohanan? Tulungan mo ako,  Dr. Love.

Tony

Dear Tony,

Mahirap maghusga. Posibleng sinisiraan lang ng mga kaanak mo ang iyong asawa dahil marami nang kasong ganyan ang nang­­­­yari. Ngunit may posibilidad din na to­too ang sumbong sa iyo. Natural lang na mag­­malasakit sa iyo ang iyong mga kaanak lalo pa’t pinagtataksilan ka ng iyong asawa. Pero dapat mo muna itong patunayan bago gumawa ng anumang marahas na hakbang.

Gumawa ka ng sariling pagsisiyasat at nang malaman mo ang buong katotohanan. Iyan ang hirap sa nag-aabroad ang isa sa mag-asawa. Ang salaping kikitain mo ay hin­di makatutumbas sa tatag ng pamilyang ma­i­bi­bigay ng pagsasama sa iisang bubong.

Dr. Love