Crush si insan

Dear Dr. Love,

Sana sa pagtanggap ninyo ng sulat kong ito ay nasa mabuti kayong kalagayan.

Ako po si Kian, 15 years-old at high school student.

Ang problema ko po ay nagkakagusto ako sa aking pinsan. Natural lang naman siguro ang humanga sa kapwa pero ang nararamdaman kong ito ay pag-ibig na ata.

Dahil dito ay nawawalan ako ng interes sa aking pag-aaral. Alam kong may tama rin sa akin ang pinsan ko dahil nahahalata ko siya.

Dr. Love, ano po ang nararapat kong gawin upang malutas ang aking problema? Sana po ay tulungan ninyo ako. Lubos na umaasa,

Kian

Dear Kian,

Ang anak mismo ni Pangulong Gloria Arroyo ay ikinasal sa kanyang second cousin.

Hindi mo nasabi kung ang lalaking hinahangaan mo ay first, second o third cousin mo. Kung malayo ay puwede marahil.

Pero tiyak ka ba sa nararamdaman mo? Baka naman physical attraction lang iyan.

Iha, you’re only 15 years-old kaya pag-aralan mong mabuti ang nararamdaman mo. Bata ka pa at marami ka pang makikilala pagdating ng araw. Dr. Love