Masaganang pagbati ang ipinararating ko sa inyo. Matagal na akong sumusubaybay ng inyong column.
Sa katunayan, kaya po ako naglakas-loob na sumulat sa inyo ay para ihain ko ang aking suliranin sa buhay.
Ako po si Ismael ng University Site, Lucena City. Ang birthday ko po ay May 5, 1954. Nais ko po sanang malaman kung tatama po ba ako sa lotto at kung ano pong numero ang dapat kong tayaan.Umaasa,
Ismael
Dear Ismael,
Dapat ay kay Madam Rosa ka sumulat at hindi sa akin. Pero maging si Madam Rosa ay hindi nagbibigay ng numero sa lotto dahil ayaw niyang umasa sa sugal ang mga tao.
Ganito rin ang pananaw ko. Hindi mo dapat na iasa ang iyong kapalaran sa lotto. Sugal iyan at hindi mo alam kung ikaw ay tatama.
Walang ibang paraan para umunlad kundi ang magsumikap. Iyan ang garantisadong paraan sa pag-asenso.
Dr. Love