Obligado ba ang kompaniya sa paghatag og retirement pay?

Dear Atty. Divine,

Nakadesisyon ko nga mo-retire na human sa akong ika 60 anyos nga birthday last month. Ako na gisultian ang akong kompaniya nga akong gitrabahoan. Apan matud sa HR nga ang mahatag daw sa kompaniya nako mao ang P25,000.00 nga pabawon kay wala daw retirement package ang among company. Gitambagan ko sa HR sa pag-adto sa SSS aron i-process ang akong retirement aron aduna koy madawat nga retirement benefits. Ang akong pangutana kun dili ba diay ma-obligar ang among company sa paghatag kanako og retirement pay? Daghang salamat. -- Charlie

* * *

Dear Charlie,

Bisan pa kun walay retirement package ang imong kompaniya nga gitrabahuan, obligado gihapon kini nga mohatag og retirement pay sa iyang mga empleyado nga moretiro basi sa Republic Act No. 7641 kon Retirement Pay Law. Basi sa balaod, aron mo qualify ang empleyado sa retirement pay, kinahanglan nga kini nagpangidaron na og 60 anyos nga maoy optional retirement age or 65 anyos nga maoy mandatory retirement age, ug kinahalanglan nakaserbisyo na kini sa dili mominus lima ka tuig sa company.

Kun walay existing retirement agreement ang company ug ang empleyado, ang computation sa iyang retirement pay basi sa balaod half-month salary per year of service plus 1/12th of the 13th-month pay ug 5 days nga Service Incentive Leaves. Busa kun wa ka hatagi og retirement pay sa imong company mamahimo kini nga imong ireklamo ngadto sa Department of Labor and Employment. Thank you and God Bless.  -- Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.