Escudero presiding officer sa impeachment trial
MANILA, Philippines — Itinalaga ng bagong majority bloc ng Senado si Sen. Francis “Chiz” Escudero bilang presiding officer sa impeachment trial ni Vice President Sara Duterte.
Sinabi ni Sen. Panfilo “Ping” Lacson na ang pagtatalaga kay Escudero bilang presiding officer ng impeachment court ay magiging opisyal sa pagpupulong ng korte sa Hulyo 6, 2026.
“Sa aming pinagkasunduan ngayong umaga, ihahalal namin si Sen. Escudero kung magkikita kaming muli bilang impeachment court upang maging presiding officer,” sabi ni Lacson.
Binanggit ni Lacson na napili si Escudero dahil ito ay isang abogado at sa kanyang malawak na karanasan sa mga proseso ng impeachment.
“Kaya iyon ang pinagkasunduan ngayong umaga, bagaman maaari pa rin itong magbago. Iminungkahi rin ito ni Sen. Win (Sherwin Gatchalian),” aniya.
Tinanggihan din niya ang mga haka-haka na ang hakbang ay ginawa kapalit ng desisyon ni Escudero na sumali sa bagong mayorya ng Senado. “Hindi, pinag-usapan namin ito para lang maging maayos ang lahat,” sabi ni Lacson.
- Latest
