Napusilan naangol, kauban napagan

CEBU, Philippines — Naangol ang 29-anyos nga lalake human kini gipusil kagahapon sa alas 2 sa kaadlawon sa Sitio Lutaw-Lutaw, Santo Niño, Dakbayan sa Sugbo.

Ang biktima giila nga si Danilo Barcenal, nagpuyo sa nahisgutang lugar.

Matud sa biktima nga samtang nagbarug siya daplin sa dalan uban sa iyang mga kauban, kalit siyang gipusil duha ka higayon sa tuo nga bukton samtang naigo sab ang iyang wala nga bahin sa nawong.

Nangayo og tabang ang biktima sa Carbon Police Station 5 apan nakaikyas ang suspek.

Ang biktima daling gidala sa Cebu City Medical Center (CCMC). - Jomelyn B. Largado, CNU Intern (BANAT NEWS)