Siba Tigers, Butch surveying midaog

CEBU, Philippines — Balanseng opensiba maoy gihimong hinagiban sa Butch Surveying paglumpag sa CCT Builders, 91-63 sa una nilang duwa sa Cebu Legends Basketball Association (CELBA) Summer League 2018 niadtong Miyerkules didto sa Canduman Housing gym, Mandaue City.

Timaan niini mao nga lima ka players sa Butch Surveying ni Engr. Butch Migriño ang  miiskor og double figures ubos sa pagpangu ni Ramie Suson nga mirehistro og 16 puntos.

Nagpangamay ang kadaogan sa Butch Surveying human miposte og 40-26 sa halftime. Misulbong pa ang labaw ngadto na sa 71-44 human sa tulo ka kuwarter sa kombinasyon nilang Edgar Alcover ug Dindo Aligway.

Natipakan hinuon sa CCT Builders ang makabungog nga labaw   79-57 sa nahibiling 5:10 sa fourth dihang si Peter Bucabal miposa’g walo ka  sagunsong puntos, apil na niini ang duha ka sunod-sunod ka 3-pointers, apan wala mosalir ang ilang paningkamot kay nakapundo na daan og dako ang Butch Surveying.

Ang sentro nga si Francis Palero mikadlit og 12 puntos ug  mao lang ang bugtong player nga miiskor og double figures sa CCT Builders nilang playing team managers Eboy Quiñahan ug Roy Ermac.

Sa sayo pa, ang team SIBA Tigers ni Jennifer Velasco midaog sab batok sa team Monterroyo ni Dr. Raul Monterroyo, 83-77.

Nangu sa kadaogan si Rebie Templado nga mitali og 20 puntos, samtang sila si Rey Judilla ug Jiji Bathan mitampo’g 15 ug 13 puntos. Sila sab ang responsabli sa gipasiugdahang rally sa SIBA  Tigers  atol  sa fourth quarter nga nagkumboya’g 17  puntos aron mailog og balik ang momentum.

Si Ramil Estremos miantog og 19 puntos, samtang si Clark Monsanto mitimbre’g 12 puntos ug si Marlon Mendoza mitikdol og 11 puntos sa napildeng team Monterroyo.

Ang liga ubos sa pagdumala sa  presidente  niining si S/Insp. Dondon Coloscos ug mga technical committee nga silang Ramel Baclay, Wendel Oquias, Engr. Roel Tayag, Titi Medillo, Lloyd Chavez ug Richard Limosnero.

Puntos matag usa

Unang duwa:

VELASCO (83) – Templado 20, Judilla 15, Bathan 13, Marabi 12, Velasco 5, Molina 5, Gomez 4, Alinabon 2, Catinoy 2, Colina 2, Redolosa 2, Federez 1.

MONTERROYO (77) – Estremos 19, Monsanto 12, Mendoza 11, Amaga 9, Landiza 7, Tañan 4, Alvarez 4, Jacalan 3, Icot 3, Lagaras 2.

Ikaduhang duwa:

BUTCH Surveying (91) –  Suson 16, R. Alcover 15, Aligway 12, R. Gonzaga 11, Cabonelas 10, B. Herbieto 8, Castillo 5, Taghoy 5, Mahusay 5, Cabucos 2, Monterola 2.

CCT Builders (63) – Palero 12, Flores 9, Borces 8, Madrid 7, Bucabal 7, Solana 5, Alburo 4, Ouano 3, Ermac 3, Beldera 3, Tan