Anong aasahan?

Masyadong mabilis tumakbo ang araw

Kaya hindi pansin tao’y gumugulang

Mga bata noon ngayo’y nanliligaw

Kaya tumatanda ang mga nilalang

Kahit pagbalikan araw na lumipas

Maraming buhay na ang dito’y nalagas

Araw sa calendar ay pula nang lahat

Sa dami ng dugong sa baya’y tumagas

Mga nangulimbat nagnakaw ng pera

Ligtas din sa batas kapag naglagay na

Malaking halagang ninakaw sa bansa

Sa halip makulong pinalalaya pa

Kaya nga wala nang pag-asa ang bayan

Na kahit bahagya ay umangat naman

Wala ring pag-asang itong sambayanan

Ay ligtas na ngayon sa mga tulisan