Agsungot di pa drug-free
CEBU, Philippines - Dili pa matawag nga drug-free ang barangay Agsungot bisan nag-negatibo sa drug test ang 60 ka opisyal ug mga kawani nga gipahigayun sa Cebu City Office on Substance Abuse Prevention (COSAP).
Matud sa pangulo sa COSAP, Dr. Alice Utlang, nga may lima pa nga wala napaubos sa drug test. Ang resulta sa drug test iduso ngadto kang Kapitan Anne Alcover kinsa nipadayag sa kalipay nga negatibo ang resulta.
Siya nipasalig nga ipaubos gihapon sa drug test ang lima nga wala nitambong tungod kay may kalihukan nga gitambungan ug adunay trabahante usab niya nga naa sa tambalanan ang anak.
Samtang gidudahan ni Barangay San Nicolas Proper Kapitan Abrahan Desamparado nga adunay lima niya ka kawani nga tiggamitan og gidili nga drugas.
Ang gidudahan anaa sa mga street cleaners, loaders ug tanod. Sa 80 ka kawani sa barangay, 53 lang ang nitunga sa gipahigayun nga drug test.
(BANAT NEWS)
- Latest
