Gaisano Country mall anniversary run gitakda sa Oktubre 26

CEBU, Philippines - Makahigayon na sab ang Cebu running enthusiasts sa pagtabang sa mga biktima sa child abuse ug child pornography sa ipahigayong 3rd Gaisano Country Mall Anniversary Run sa Oktubre 26 nga magsugod ug matapos didto sa mall grounds.

Gawas nga highlights kini sa ilang ika-21 nga anibersaryo, ang mga organizers mopahigayon usab sa lumba isip usa ka fund-raising activity sa pakigtambayayong sa Club in Unity  for Restoration through Empowerment (CURE) Foundation  alang sa mga kabatan-onan nga biktima sa sexual abuse ug human trafficking.

Ang mga kategoriya nga mahimong daganan mao ang 5K, 10K, 15K ug 21K.

Mga saging ug tsokolati ang ihatag sa  15K ug 21K participants atol sa lumba.  May libre sab nga masahe, zumba, fireworks ug photobooth human sa lumba.

Moabot sa P80,000 nga ganting salapi ang giandam alang sa mga top performers sa matag dibisyon. Ang unang 200 finishers sa 15K ug tanang finishers sa 21K makadawat og specially-designed finisher’s medal.

Ang registration fee nagkantidad og P350 sa 5K, P450 sa 10K, P550 sa 15K ug P650 sa 21K libre na niini ang singlet, post-race refreshments, loot bag ug raffle ticket nga bolahon human sa lumba. Mahimong magparehistro  sa Gaisano Countrymall’s Customer Service area ug RUNNR sa Ayala Center-Cebu.