Kahit tanga puwedeng tumakbo bilang Pangulo - Miriam

MANILA, Philippines – Kontra ang batikang mambabatas na si Miriam Defensor-Santiago na magkaroon ng Charter Change (Cha-Cha) pero papayag lamang siya kung ang babaguhin ay ang mga patakaran sa pagtakbo sa puwesto sa gobyerno.

Sinabi ni Santiago na walang batas na humaharang sa mga hindi nakapag-aral para tumakbo sa anumang posisyon.

Dagdag niya na bakit ang pagpasok sa pagiging pulis ay kailangang tapos ng pag-aaral samantalang ang pagtakbo ay wala.

"...I want to go on to the qualifications for persons who are running for President of the Philippines," wika ng Senador.

"There is no such provision for a presidential candidate so any idiot can run for president and possible poll a certain number of votes among his fellow idiots...," dagdag niya.

Nais ni Santiago nab ago makatakbo sa pagiging mambabatas hanggang sa pagka-Pangulo ay dapat tapos ng pag-aaral sa kolehiyo.

"...so we should make it of record that the Constitution should require the candidate for national office – president, vice president or senator – to be at least a college graduate and maybe even, include representatives," mungkahi niya.

Balak din niyang ilagay kung sakali sa Saligang Batas ang pagbabawal sa political dynasty.

"For example, the prohibition vs dynasties should be self-enforcing instead of leaving it to Congress to pass the proper law. Notice that they have nowhere passed a law. There is a commandment in the Constitution for them to do so.”

Napag-usapan ang Cha-Cha matapos ipanukala ni House Speaker Feliciano Belmonte na galawin ang economic provision sa Saligang Batas upang mabuksan ang ownership ng isang dayuhan sa bansa, pero kontra dito si Santiago.

"You can do this by other means. All you have to do is study the experience of other nations. So it will depend on what economic provisions are being talked about," sabi ni Santiago.