Abogado sugatan sa ambush
MANILA, Philippines — Isang abogado na kagawad ng Brgy. Sta. Cruz ang sugatan matapos tambangan ng hindi pa kilalang gunman, sa Makati City, Huwebes ng umaga.
Ayon sa inisyal na ulat ng Southern Police District (SPD), nilalapatan pa ng lunas sa ospital ang biktimang si Atty. John Yland De Ocampo, matapos na pagbabarilin dakong alas-8:05 ng umaga sa panulukan ng Novaliches at Zapote Sts., sa Brgy. Olympia.
Iniutos naman ni SPD Director PBGen. Glenn Oliver Cinco ang agarang pagtugis at malalimang imbestigasyon upang matukoy ang salarin at motibo sa krimen. Nagsasagawa na ng forward tracking at backtracking sa mga CCTV footages sa lugar ang pulisya.
Samantala, mariing kinondena ni Makati City Mayor Nancy Binay ang pamamaril at sinabing nakikiisa siya sa panalangin ng pamilya para sa kaligtasan ng biktima.
- Latest
