Kung ang saba magpabiling saba
Kung ang hulongihong magpabiling hulongihong
Kinsa pay mamati ka niya?
Kung ang mga laraw sa mga letra
wa mahimong pulong
ug kung nahimo mang pulong
kini kubalan lang sa alingasngas nga katilingban
Kinsa pay mamati ka niya?
Kung ang mga laway mangapan-os
ug di na unya mabati ang kaalingog-ngog
sa iyang kahilom
Kinsa pay mamati ka niya?
Kung mapungkol na unya ang mga dunggan,
ug magpabiling bungol ang mga tiil
Kinsa pay mamati ka niya?
Aku ba? nga usa lamang ka mata
sa dagway sa nagmaskara?