Ingna akong bakakon
Inig kabasa ninyo ug Bisaya
Kamo lud-on og magkatawa
Dayun og ingon “bisdaka!”
Paita sa manunulat nga Bisaya
Dili tagaan ninyo og hustisya
Sila angay tagaan og pasidungog
Sa pagpadayon sa Bisayang pulong
Kung atubangan sa klasmeyt
Magpa-arong ingnon wa kasabot
Mangutana dayun, ang uban sad molimud
Ang tinuod diay nalingaw sa gibasa
Sa ila atubangan itapok kunuhay
Pero kuhaon inig uli sa balay
Gusto nila Inengles ila basahon
Bisan magkalisod sige aron ingnon
Dili ba mo bati-on og kalipay
Kung imong linggwahe gamiton
Kini puno ug kagikan
Pinulongan sa imong katiguwangan
Kini ibutang sa inyong ulo
Nga kita Bisaya jud
Bisan kapila pa ka mo-adto ni Belo
Dagwa’y nato ilhan gihapong Pilipino