Mamahimo bang bakwi-on ang SPA?

Dear Atty. Divine,

Ang akong mama nagpahimo og Special Power of Attorney in favor sa iyang pag-umangkon aron maoy mo-represent kaniya sa pagbaligya sa ilang yuta ngadto sa probinsiya. Apan karon nakadesisyon si mama nga dili na ipadayon ang pagbaligya sa maong property. Ang among pangutana kun pwede pa ba bakwi-on ni mama ang maong Special Power of Attorney? Daghang salamat. —Mae

Dear Mae,

Yes, mamahimong ipa-revoke sa imong mama ang Special Power of Attorney kon SPA nga iyang gipirmahan in favor sa iyang pang-umangkon pinaagi sa pag-execute og Deed of Revocation. Kinahanglan nga notarized sab ang maong Deed of Revocation nga naglatid sa petsa sa original nga SPA og sa full name sa iyang pag-umangkon nga attorney-in-fact. Human niini, iyang padad-an og kopya sa revocation ang pag-umangkon sa imong mama ug pormal siyang pahibaw-on nga gi revoke na ang iyang SPA ug dili na kini niya dapat gamiton. Kon adunay third parties nga nahatagan na og kopya sa original SPA sama sa bangko or prospective buyer o mga ahensya sa gobiyerno kinahanglan sab silang pahibaw-on pinaagi sa paghatag sab kanila og kopya sa Deed of Revocation. Thank you and God Bless! —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.