Golf tatalakayin sa TOPS ngayon
MANILA, Philippines — Serbisyong kapulisan sa pamamagitan ng sports ang pag-uusapan sa Tabloids Organization in Philippine Sports, Inc. (TOPS) “Usapang Sports” ngayong araw sa PSC Conference Room sa Malate, Manila.
Pangungunahan ni P/Dir. Pedro Bulaong (ret.) ang mga opisyal ng organizing committee para talakayin ang fund-raising golf tournament na Manila Finest Golf Cup na nakatakda sa Disyembre 9, sa public sports forum na nakatakda sa alas-10:30 ng umaga.
Makakasama niya sa programa na itinataguyod ng Philippine Sports Commission, Behrouz Persian Cuisine at Pocari Sweat si tournament director Darren Evangelista kasama sina P/Maj. Bonifacio Aporo (ret), P/Maj Eduardo Villanueva, P/Maj, Mario Magno (ret), P/Maj. Jose Canares (ret), P/Maj. Alice Santos (ret), P/Maj. Ofelia Torres (ret) at P/Maj. Lily Olayres (ret).
Inaanyayayahan ni TOPS president Maribeth Repizo ng Pilipino Star Ngayon ang mga opisyales at miyembro pati ang mga sports enthusiasts na makiisa sa talakayan na mapapanood din via livestreaming sa TOPS ‘Usapang Sports’ Facebook page, Bulgar Sports at sa Channel 8 ng TVC Pinoy Ako (PIKO) – ang pinakabagong network mobile apps na libreng mada-download sa Android phone.
- Latest