Limuel Tampus nanghawod sa 3rd Bankal Chess Club rapid tourney

CEBU, Philippines — Si Limuel Tampus maoy naghari sa 3rd Bankal Chess Club Rapid Tournament niadtong weekend didto  Barangay Bankal gym sa dakbayan sa Lapu-Lapu.

Nagtabla si Tampus ug John Dave Lavandero bitbit ang managsamang 5.5 puntos  apan si Tampus ang mibulsa sa P3,000 nga ganti alang sa kampiyon tungod sa mas taas niyang tiebreaker.

Mikubra si Lavandero og P2,000 sa pagpahiluna niini sa ikaduhang dapit.

Si Lance David Gimena nakadawat og P1,000 sa pag-solo niini sa ikatulong luna.

Sila si Maria Kristine Lavandero, Sophia Johansson, Daren Corro, ug Bruce Wayne Villagonza ang mi-okupar sa ikaupat ngadto sa ikapitong puwesto uban ang 4.0 puntos matag usa.

Naglangkob sa Top 10 mao sila si Godwin Gamboa, Martin Caylan, ug Franz Hendrick Vasquez bitbit ang 3.5 puntos.

Sa laing bahin, ang top players sa ilang mga kategoriya mao sila si Daniel Keth Gelig (Bankal members),   Danica Jolly Lavandero (female),  ug Lor Nickhoule Angelo Esbra ug Erica Sombilon (12 Under).

Giorganisa nilang ni Bankal Chess Club executive director Stephen Rosales ug Jonathan Mendola, ang torneyo nagmalampuson tungod sa suporta ni Dr. Edwin Cablao, TESDA-Central Visayas regional director Engr. Gamaliel Vicente, Jr. ug Cebu Executives and Professionals Chess Association (CEPCA).