Lady Altas umeskapo sa Lady Red Spikers sa SSL

MANILA, Philippines — Pinatumba ng Universi­ty of Perpetual Help System DALTA ang San Beda University, 28-30, 25-19, 23-25, 25-17, 16-14, para su­mampa sa win column ng 2026 Shakey’s Super League (SSL) Unity Cup ka­hapon sa Rizal Memorial Coliseum.

Nagtuwang sina Jema­lyn Menor at Cyrille Alme­niana para ibangon ang Lady Altas mula sa ope­ning-day loss.

Tumabla ang Perpetual sa Letran sa second hanggang third spot sa magka­tulad nilang 1-1 baraha sa Pool A ng torneong itinata­gu­yod ng Shakey’s Pizza Parlor, Peri-Peri Charcoal Chicken, Potato Corner at R&B Milk Tea.

“Talagang nagtulu­ngan kami sa loob ng court, pi­naghirapan namin talaga ito para maipanalo ‘yung game namin ngayong araw,” ani Menor na puma­lo ng 25 points mula sa 23 kills, isang service ace at isang kill block.

Binura ng Lady Red Spi­kers ang two-point lead ng Lady Altas para tumabla sa 13-13 sa fifth set.

Ang puntos ni Almenia­na mula sa isang combination play ang naglagay sa Per­petual sa matchpoint, 14-13.

Subalit muling idinikit ni An­gel Habacon ang San Be­da sa 14-14.

Ngunit ang back-to-back hits ni Almeniana ang tuluyan nang sumelyo sa pa­nalo ng Lady Altas sa Lady Red Spikers.

Tumapos si Almeniana na may 14 points para sa Per­petual, habang may 10 markers si Edel Valdez kasunod ang walong puntos ni Rae Palacio.

Pinalakas ng Lady Altas ang tsansang makasama ang pool leader at five-peat-seeking National University Lady Bulldogs sa susunod na round.

Nakakuha na ang NU ng isang playoffs spot sa kanilang 3-0 record.