3 mananahi, utas sa carbon monoxide
MANILA, Philippines — Nasawi ang tatlong mananahi nang makalanghap ng nakalalasong monoxide sa isang bodega sa Brgy. Campetic, Palo, Leyte nitong Miyerkules.
Kabilang sa mga biktima ay dalawang lalaki at isang babae na pawang mga mananahi na muna tinukoy ang pagkakakilanlan na natagpuang nakahandusay sa nasabing bodega sa Zone 6, Brgy. Campetic ng nasabing bayan.
Sa imbestigasyon, ang generator na ginagamit sa nasabing bodega ay nagpro-prodyus ng carbon monoxide na sarado umano at walang ibang bentilasyon na hinihinalang siyang nakalason sa mga biktima.
Nadatnan na lamang ng kanilang mga kasamahan ang mga biktima na hindi na gumagalaw at naninigas na ang mga katawan na pawang wala ng buhay.
Sinasabing madalas mag-brownout sa lugar kaya gumagamit ng generator ang may-ari ng patahian.
- Latest
