Indian nabangil sa ligid
CEBU, Philippines — Patay ang usa ka Indian national sa nahitabong disgrasya nga naglambigit og duha ka motorsiklo ug usa ka Ceres bus sa National Highway, Barangay Langtad, Lungsod sa Argao, kagahapon sa hapon, Domingo, Marso 30, 2025.
Ang mga nalambigit sa disgrasya mao ang Suzuki Burgman motorcycle nga gimaneho ni Suman Surjit, 45, nagpuyo sa Barangay Tulic, Lungsod sa Argao, usa ka Indian National.
Angkas niya si Kuldip Kumar, 51, nga Indian national sab maoy patay na pagabot sa tambalanan.
Laing motorsiklo nga apil sa disgrasya mao ang Yamaha Aerox 155 motorcycle nga gimaneho ni Analisa Gonzaga Narbasa, 39, kaipon ni Surjit.
Dayon ang Ceres bus nga gimaneho ni Fernando Sarno Malabago Jr., 36, taga Linuthangan, Canlaon City, Negros Oriental.
Sa imbestigasyon sa Argao Police Station ang duha ka motorsiklo ug Ceres bus nagsunod lang padung pareho sa South.
Ang duha ka motorsiklo nag "side by side" nga gadagan ug giingong nag estoryahanay.
Dihang mo-overtake na unta ang Ceres bus, ang driver sa Suzuki Burgman nga si Surjit nawagtangan og kontrol ug natumba.
Ang backrider niini nalabay sa tuo padung sa Ceres bus ug naguroy kini sa ligid nga gibana-bana nga naa sa 40ka tiil hinungdan sa naangkon niining grabeng kadaut sa kalawasan. Gidala sa Argao MDRRMO personnel si Surjit ug si Kumar sa Isidro Kintanar Memorial Hospital sa Barangay Bogo, Argao apan gideklarar nga dead-on-arrival si Kumar tungod sa hemorrhagic shock. — (FREEMAN)
- Latest
